Идэрхэн омголон насандаа хайж л явлаа чамайгаа
Ирэх шувуудын дундаас эрж л явлаа чамайгаа
Эндүү бодлын хэлхээ шиг манантсан байж сэтгэл минь
Өнгөрсөн амьдралын минь эрэл
Өрнөх амьдралын минь гэгээ
Чимээгүй урсгасан нулимстай ч
Чи бол минийх, ганцхан миний л хүүхэн
Бороотой үдшийн гудамнаа таарна гэж санасангүй
Булиглан догдлох зүрх минь шаналахгүй байг заяа минь
Буцах шувуудын дундаас олно гэж бодсонгүй
Бодолд амилсан дүр чинь гуниггүй байг сэтгэл минь
Өнгөрсөн амьдралын минь эрэл
Өрнөх амьдралын минь гэгээ
Чимээгүй урсгасан нулимстай ч
Чи бол минийх, ганцхан миний л хүүхэн
Заяа тавилангийн хатуухан тоглоомыг сөрчихөөд
Хүүхэн чамдаа тэмүүлсэн сэтгэлээ би яалтай вэ
Зөрж чадалгүй учирсан амьдралаа би сөрчихөөд
Сайхан чамдаа тэмүүлсэн хайраа би яалтай вэ
Өнгөрсөн амьдралын минь эрэл
Өрнөх амьдралын минь гэгээ
Чимээгүй урсгасан нулимстай ч
Чи бол минийх, ганцхан миний л хүүхэн
