АНУ-ын дуучин Сабрина Карпентер 2024 оны тус улсын “TikTok”-ийн хамгийн алдартай уран бүтээлчээр тодорчээ. Тодруулбал, богино бичлэгийн платформ болох “TikTok” жилийн эцсийн тайлангаа лхагва гараг /2024.12.11/-т нийтэлсэн байна. Эл нийтлэлд “TikTok”-ийн 2024 оны дэлхийн хамгийн алдартай уран бүтээлчдийн жагсаалтыг гаргасан аж. Жил бүрийн “TikTok”-ийн энэхүү тайлан нь тухайн жилийн чиг хандлагын талаарх ойлголтыг өгдөг байна. Өнгөрч буй 2024 онд Сабрина Карпентерын “Espresso”, “Please please please” зэрэг хит дуунууд нь тус платформ дээр 15 сая гаруй бичлэгт ашиглагджээ. Сонирхуулахад, “TikTok” нь дэлхий дахинд тэрбум гаруй хэрэглэгчтэй бөгөөд үүний 170 сая нь АНУ-ын хэрэглэгчид байдаг аж.
Дуучин Сабрина Карпентер АНУ-ын “TikTok”-ийн хамгийн алдартай уран бүтээлчээр тодорчээ
