Монголын урлагийн тайзнаа өөрсдийн өнгө аясыг тодорхойлон ардын урлагаа дэлхийд таниулж яваа цөөн хамтлагийн нэг нь "Хөсөгтөн" хамтлаг юм. Тус хамтлагийнхан өнгөрөгч арванхоёдугаар сард Бээжин хотноо уригдан Бүх хятадын шилдэг сэтгүүлчийг шалгаруулах ёслолын ажиллагаанд оролцсон байна.
Өмнө нь олон улсын урлагийн наадамд оролцож байхад нь тоглолтыг нь үзсэн болохоор ийнхүү онцгойлон урьсан байна. Урилгаар тоглоод ирэхэд тэдний харъяалагддаг ҮДБЭЧ-аас халах тушаал угтсан байна. Олон урлаг соёлын наадам, уралдаан тэмцээнд эх орныхоо нэрийг талхалж, өргөж явсан "Хөсөгтөн"-ийхөн ажилгүй болсон гэх мэдээ содон байсан юм. Тэднийг чуулгынхаа даргатай ойлголцож ажилдаа орсон эсэхийг хамтлагийг ахлагч Ариунболдоос тодруулах гэсэн боловч ямар нэг тайлбар өгөхөөс татгалзлаа. Ямар боловч гадныхныг гайхуулж яваа Хөсөгтөнийхөн ажилгүй байгаа гэдгийг мэдсэн юм. ҮДБЭЧ-д олон авьяастнууд цугласан. Энэ мэтчилэн гадаадад эх орноо төлөөлөн явдаг дуучин, хөгжимчин олон бий. Энэ нь тэдний үүрэг. Гэтэл тус чуулгын дарга Цоггэрэл уран бүтээлчиддээ хатуудаад, ажлаас нь халаад байвал авьяасын уурхай дундрах бий дээ.
