Хошин урлагийн сайхан бүсгүйчүүдийн нэг, “Х Түц” продакшны жүжигчин А.Туяа NB&Sally нэвтрүүлгийн энэ удаагийн дугаарт зочноор уригджээ. Өндөр сайхан нуруу, гоо сайхан бие галбираараа олон залуугийн харааг булаадаг жүжигчин бүсгүй нэвтрүүлгийн урилгыг хүлээн аваад багагүй айсан тухайгаа хэлж байлаа.
Түүний айх болсон шалтгаан нь хөтлөгч NBA. “Айхтар, айхтар асуулт асуудаг, айхтар хөтлөгч”-өөс багагүй бишүүрхсэн ч элдэв хэв маягт баригдалгүй, чөлөөтэй ярилцаж, хөгжилдөх боломж олгодог гэдгийг нь дуулаад, оролцохоор шийдсэн байна.
“Уулздаг залуу нь тоглолтын билет удаа дараа гуйвал яах вэ” гэсэн хөтлөгчийн асуултад “Мэдээж өмнө нь учир шалтгаанаа хэлбэл болох л юм. Гэхдээ надад эрэгтэйчүүд ийм хүсэлт тавьж байгаагүй. Би ямар спонсор уу” хэмээн шулуухан хариулсан.
Залуу нас, гоо сайхнаа сэтгүүлийн нүүрэнд мөнхөлсөн жүжигчин бүсгүй дахин нүцгэлэхгүй гэдгээ хэлсэн. Учир нь түүний энэ үйлдэл нэлээд шүүмжлэлд өртсөн гэнэ.
Жүжигчин А.Туяагийн оролцсон NB&Sally нэвтрүүлгийг хүргэж байна.
www.URLAG.mn
