Дэлхийн инфлюнсер DJ Soda ирэх гуравдугаар сарын 15-нд “Аса Арена”-д болох “Energy party” шоунд оролцохоор болсон бөгөөд энэ тухайгаа тэрбээр өөрийн албан ёсны цахим хуудсаараа мэдэгдлээ. Эл шоунд мөн “Way back home” дууны эзэн, Өмнөд Солонгосын алдарт дуучин, DJ Shaun оролцох аж.
“Energy party” шоуны гол онцлог нь хоёр орны DJ нарын тоглолтоос гадна Монголын шинэ үеийн R&B, хип хоп уран бүтээлчид, хамтлагуудын хамтарсан бүтэн зургаан цагийн шоу тоглолт үзэгчдэд хүрнэ. Мөн зохион байгуулагчдын тодорхойлсноор “Energy party” шоу нь 2025 оны их хотын хамгийн эхний, хамгийн том электрон хөгжмийн наадам болох юм.
Сонирхуулахад, DJ Soda нь фэйсбүүкт 11 сая, инстаграмд 5.5 сая, ТикТок орчинд зургаан сая дагагчтай инфлюнсер бөгөөд Азийн шилдэг эмэгтэй DJ өргөмжлөлийг зургаан удаа хүртсэн алдартай уран бүтээлч юм. Харин DJ Shaun-ы тухайд хамгийн анх “Falling into” соло бүтээлээ гаргаж, 2018 онд гаргасан “Way back home” дуу нь түүнийг алдаршуулсан аж. Энэ дуу цацагдсан даруйдаа Өмнөд Солонгосын шилдэг дууны жагсаалтад “BTS”, “Blackpink” зэрэг алдартай уран бүтээлчдийн дууг давж, амжилт үзүүлж байв.
“Energy party” шоуны тасалбарыг та shoppy.mn-ээс худалдан авах боломжтой.
