Их Британийн тайз, дэлгэцийн алдарт жүжигчин, “Харри Поттер” цуврал болон “Хатуу самар” уран бүтээлүүдээр дэлхий нийтэд танигдсан Алан Рикман 1946 оны энэ өдөр буюу хоёрдугаар сарын 21-нд мэндэлжээ.
Английн Лондон хотод төрж, өссөн Алан Рикман урлагийн гараагаа театраас эхлүүлж, үргэлжлүүлэн дэлгэцийн уран бүтээлүүдэд тоглож, замналаа үргэлжлүүлсэн юм. Тэрбээр амьдралынхаа туршид 70 гаруй уран сайхны кинонд тоглоод зогсохгүй мөн найруулагч, зохиолчоор ажиллаж байлаа. Түүний найруулсан “The winter guest” кино Венецийн кино наадмаас хэд хэдэн шагнал хүртэж байв. “Эмми”, “Алтан бөмбөрцөг”, BAFTA буюу Британийн кино академийн шагналт тэрбээр амьдралынхаа сүүлийн жилүүдэд ч Бродвейн болон Лондонгийн театрын тайзнаа тоглосоор байсан юм.
Түүний амьдралын сонирхолтой гэрэл зургуудаас хүргэе.
