Загварынхан дундаа эмэгтэйлэг, намбалаг гэгддэг “Шилмэл загвар” агентлагийн модель О.Хулангоо найз залуугаасаа 147 ширхэг сарнай цэцэг бэлгэнд авсан нь амьдралынх нь хамгийн сайхан мөч байсан тухай дурсчээ.
Хайртай залуугийнх нь өгсөн бэлэг англиар “Би чамд хайртай” гэсэн утгыг илэрхийлж байсан тул түүний хувьд маш их сэтгэл нь хөдөлсөн гэдэг. Түүний хувьд “Үнсгэлжин” наадмаас гараагаа эхэлж эдүгээ “Шилмэл загвар” агентлагийн нэгдүгээр зэргийн загвар өмсөгчөөр ажиллахын зэрэгцээ багшилдаг ажээ.
Өөрийгөө цаг ягштал баримталдаг, хариуцлагатай нэгэн хэмээн тодорхойлсон тэрбээр цүнх цуглуулах хоббитой бөгөөд гоо сайхнаа хадгалахын тулд ердөө ус л хангалттай уухыг зөвлөж байна.
Өөрийнхөө уруулыг дур булаам гэж боддог түүний хувьд бусдын ярьдаг шиг баян эрчүүдтэй нэр холбогдоогүй гэдгээрээ бахархаж явдаг бөгөөд энгийн нэгэн залууг амьдралынхаа ханиар сонгожээ.
Х.Жаргал
Эх сурвалж: mminfo.mn
