УДБЭТ-ын уран бүтээлчид өнгөрсөн ням гараг /2025.03.23/-т үндэсний сонгодог бүтээл болох Ж.Чулууны “Уран Хас” балетыг толилууллаа.
“Уран хас” бүжгэн жүжиг нь УДБЭТ-ын тайзнаа 52 дахь жилдээ үзэгчдийн хүртээл болж буй нь энэ юм. Монгол Улсын Төрийн шагналт, Ардын жүжигчин, Зууны манлай удирдаач, Монголын хөгжмийн театрыг үндэслэгчдийн нэг, удирдаач, хийлч, хөгжмийн зохиолч Ж.Чулууны “Уран хас” бүжгэн жүжиг 1973 оны арван хоёрдугаар сарын 30-ны өдөр анх тоглогдож байжээ. Хоёр бүлэг, гурван үзэгдэлт эл бүжгэн жүжигт энэ удаа гол дүр Хасад Б.Дөлгөөн, Хандармаад Э.Уянга нар гоцоллоо.
