Чойжин ламын сүм музей, “Монголиан гаид тур” ХХК-ийнхан дунд хугацааны хамтын ажиллагааны бизнес төлөвлөгөөний хүрээнд Жуулчны мэдээллийн төв нээхээр ажиллаж байна.
Тус музей нь манай улсын түүх, шашин, соёлын өвийн гол цогцолборуудын нэгт тооцогддог бөгөөд Улаанбаатар хотод ирсэн жуулчдын аяллын маршрутад багтдаг онцлох газар юм. Иймд жуулчдыг нэгдсэн мэдээ, мэдээллээр хангах төв байгуулахаар шийджээ. Түүнчлэн Монгол орны ахуй соёл, уламжлалтай холбоотой бэлэг дурсгалуудыг гадаадынханд санал болгох, худалдах дэлгүүрийг Жуулчны мэдээллийн төвтэй хамтатган байгуулахаар төлөвлөсөн аж.
“Монголиан гаид тур” ХХК-ийн захирал Ч.Буянбадрах “Жуулчдад зориулсан үндэсний үйлдвэрлэлийн бүтээгдэхүүнийг шинжин байж сонгож, цуглуулж байна. Мэдээллийн төв (цомцог гэрт байрших)-ийнхөө бүрээсийг солих, хаяг, самбар байршуулахаас эхлээд дотоод орчныг нь тохижуулах гээд ажил ундарсаар. Чойжин ламын сүм музейг аяллын хөтөч нар, жуулчид цугладаг орчин болгох амбицтай” хэмээн нүүр номдоо бичжээ.
