Монголын рок попын ертөнцөд өөрийн гэсэн өнгө төрхийг бий болгож, залуусыг байлдан дагуулсан домогт “Хар сарнай” хамтлаг 35 жилийн ойдоо зориулан “Golden Hits” тоглолтыг 2025 оны тавдугаар сарын 24-нд “Socialpay park”-т зохион байгуулахаар зарлалаа.
Монголд анх удаа реп техно урсгалын эхлэлийг тавьсан “Хар сарнай” хамтлаг 1990 онд байгуулагдсан түүхтэй. 35 жилийн өмнө “Хар сарнай” нэртэй доргио хамтлаг тайзан дээр гарч, Монголын рок поп урлагт өөрийн ертөнцийг нээж, зүрх сэтгэлд хоногшсон супер хит бүтээлүүдээ туурвиж эхэлжээ. Тэдний хөгжим, уран бүтээлүүд фэнүүддээ хайр түгээж, уярааж, доргиож, урам зориг хайрласан. Хамгийн гол нь энэ бүх цаг хугацаанд “Хар сарнай” үргэлж амьд, үргэлж хит, үргэлж эрч хүчийг мэдрүүлдэг ирсэн юм.
“Golden Hits” тоглолтод “Чингис хаан”, “Харанга”, “Никитон”, “Нисванис”, “Icetop”, “Fire” хамтлаг, Гавьяат жүжигчин, дуучин Б.Сарантуяа, С.Сэрчмаа, реппер Ginjin, бусад залуу уран бүээлчид оролцох аж.
