Нисгэгчгүй нисэх хэрэгслийн спортыг хэгжүүлэх, дроны үйлдвэрлэл, технологийн аюулгүй байдал, хөдөө аж ахуй, нийгмийн бусад салбарт эрчимтэй нэвтрүүлэх бүх талын үйл ажиллагааг дэмжих зорилгоор Монгол Улсын Ерөнхийлөгч8 Зэвсэгт хүчний ерөнхий командлагчийн ивээл дор Монгол Улсад анх удаа “Дронкон” нисгэгчгүй нисэх хэрэгсэл жолоодлогын улсын аварга шалгаруулах тэмцээнийг өнгөрсөн нэгдүгээр сарын 24, 25-ний өдрүүдэд “Буянт Ухаа” спорт ордонд зохион байгуулсан.
Тэгвэл энэ өдрүүдэд Дархан-Уул аймагт “Dronex Mongolia-2025” дрон жолоодлогын өсвөрийн аварга шалгаруулах тэмцээнийг зохмон байгуулж байна. Энэ удаагийн тэмцээнд 21 аймгийн 150 хүүхэд авхаалж самбаа, мэдлэг чадвараараа өрсөлдөж байна.
Тэмцээний нээлтийн үеэр Монгол Улсын сайд, Боомтын сэргэлтийн Үндэсний хорооны дарга Б.Тулга “Дэлхий дахинд нисгэгчгүй нисэх хэрэглийн технологи асар хурдацтай хөгжиж, түүний хэрэглээ эдийн засаг, батлан хамгаалах, гамшигтай тэмцэх, хөдөө аж ахуй зэрэг бүхий л салбарын үйл ажиллагаанд нэн эрчимтэй нэвтэрч байна. Иймээс бидний ирээдүй болсон хүүхэд, залуучууд маань энэ хөгжлөөс хоцорч хэрхэвч болохгүй гэж миний хувьд боддог юм
Байгаль цаг уурын харилцан адилгүй бүсчлэл бүхий өргөн уудам нутаг дэвсгэртэй дэд бүтэц сул хөгжсөн, хүн ам цөөтэй Монгол Улсын хувьд дэвшилтэт техник технологийг бүх салбарт өргөнөөр ашиглах, харилцаа холбоо мэдээлэл технологийн салбар нисгэгчгүй нисэх төхөөрөмжийг нэвтрүүлэх, олон улсад өрсөлдөх чадвартай болохын тулд боловсон хүчнээ бэлтгэх нь нэн чухал болоод байна.
Иймд дроны өндөр технологийг нэвтрүүлэх, өргөнөөр ашиглах, чадварлаг оператор нисгэгчдийг бэлтгэх, хөгжүүлэхэд төр засгийн бодлого, олон нийтийн идэвхтэй оролцоо, төр хувийн хэвшлийн түншлэл чухал үүрэгтэй юм” гэж онцоллоо.
Нисгэгчгүй нисэх хэрэгчлийн өсвөрийн улсын аварга шалгаруулах анхдугаар тэмцээнийг Монгол Улсын Ерөнхийлөгчийн Тамгын газар, Цахим хөгжил, инновац, харилцаа холбооны яам, Төрийн цахим үйлчилгээний зохицуулалтын газар, Дархан-Уул аймгийн Засаг даргын Тамгын газар, санаачлагч Дархан-Уул аймгийн өсвөрийн “Хурдан клуб” хамтран зохион байгуулж байна.
