Өдөр хоногийн цуваа хүний тархинд урсаж
Өлгий, авс хоёрыг нэг нэгээр нь тэмтэрнэ
Хойчийн түмэн үед дутах зүйлгүй болж
Хорвоогийн түмэн үрс зовлон гээчийг мартана
Элгээрээ газар мөлхөвч хүн байхын төлөө
Эх орон, ард түмнээ бүтэн байлгахын төлөө
Хайртай эцгийнхээ нэрийг сэвтээхгүйн төлөө
Хар тамхинаас л хол бай, өөр юу захихав
Амьдаараа тархи чинь өтөж
Агуу орчлон өчүүхэн санагдаж
Гар хөл чинь тэмтрүүл шиг бодогдох
Гайхалтай гэж үү, хар тамхинд донтох
Газар дэлхий дайвалзан хөдлөх
Гамшигт дайн жаргалтай бодогдох
Ээжийгээ өнгөрөхөд инээд чинь хүрэх
Энэ бүхэн хар тамхи шүү, бүү март
Хар тамхийг тат, эхийгээ чи хайрлахгүй
Харамсах зүйлгүй тат, эх орноо чи хайрлахгүй
Харамгүй мөнгөө зар, өөрийгөө чи хайрлахгүй
