Орчин үед менежергүй ажил урагшаа явахаа байсан цаг. Энэ жишиг урлагийн салбараас ч нэвт үнэртдэг. Сүүлийн хэдэн жилийн туршид олны сонсох дуртай дуунуудыг дуулж, амьдруулж байгаа дуучдын цаана мятрашгүй ганц менежерээр ажиллаж байгаа нэгэн бол Төв аймгийн Бүрэн сумын харьяат, СУИС-ийн дуулаачийн ангийн оюутан Доржгочоо аж.
Түүний оролцоогүй нийтийн дууны тоглолт цөөхөн хэмээн урлагийнхан ам дамжин ярьдаг юм билээ. Тэр дундаа Төв аймгаас гаралтай дуучдынхаа тоглолтын ард баттай гүйж, тоглолтын реклам, самбар дээр гарсан утаснуудыг хариуцаж залгасан хүн бүхэнд хүссэн хариултыг нь өгч чаддаг лавлахын үүргийг ч давхар гүйцэтгэдэг нэгэн юм.
Доржгочоогийн хувьд оюутан ахуй насандаа яваа бөгөөд “Ойрхон учрал” нэртэй уран бүтээлээ олонд хүргэж байсан бол одоогоор найз нөхөд дуучдынхаа ажилд туслахаар сургуулиасаа түр чөлөө аваад, урлагийн менежмент рүү гүн шаргуу орсон гэнэ. Түүний оролцож, зохион байгуулаагүй нийтийн дууны тоглолт цөөхөн байдаг бөгөөд нийтийн дууныхан мань залууг “Гочоо менежер” хэмээн нэрийддэг байна.
Эх сурвалж www.wikimon.mn
