БНХАУ-ын “Авьяаслаг хятадууд-2011” шоуны гуравдугаар байрын шагналт М.Сунам-Уудам хүү Монголд ирж гавьяат жүжигчин С.Жавхлангийн “Монголд мэндэлсэн өдөр мину” тоглолтод оролцож байгаа билээ.
Уудам хүү анх С.Жавхлангийн ”Алсад суугаа ээж” дуугаар олон танигдсаныг уншигч та санаж байгаа байх. Тэгвэл тун удахгүй энэ дуугаа Төрийн ордонд дуулж магадгүй гэсэн мэдээлэл дуулдлаа. Монгол Улсын Ерөнхийлөгчийн ивээлд жил бүрийн гуравдугаар сарын 8-нд Төрийн ордноо зохион байгуулагддаг “Мянган ээжийн баяр” чуулганд М.Сунам-Уудам хүүг дуулуулах хүсэлт ээжүүдээс ирээд байгаа гэнэ. Тэгэхээр Ерөнхийлөгчийн Тамгын газар асуудалд хэрхэн хандах бол гэсэн хүлээлт бас байна.
