Асар их тэсвэр тэвчээр, сэтгэлийн хатуужлаараа хүнд хэцүү үеийг даван туулсан загвар өмсөгч А.Пүрэвмааг хүмүүс нэгэн цагт өрөөсөн далавчтай сахиусан тэнгэртэй зүйрлэж байсан. Тэгвэл тэрбээр хос далавчтай болжээ.
Өөрөөр хэлбэл, загвар өмсөгч бүсгүй хөл дээрээ боссон гэдгээ албан ёсоор мэдэгдлээ. Одоо тэрбээр кино зохиол бичихийн зэрэгцээ өвчин зовлондоо шаналж байгаа хүүхэд багачуудад тусламжийн гараа сунгаж, хүмүүнлэгийн үйлст гар бие оролцож явна.
Тэр ч бүү хэл, фитнессээрээ үргэлжлүүлэн хичээллэн, гоо сайхан, бие галбиртаа ч анхаараад эхэлжээ. Ийнхүү тэрбээр тэвчээр хатуужил бүгдийг ялдгийг яруу тодоор үзүүллээ.
Сахиусан тэнгэр маань тун удахгүй загварын тайзнаа эргэн гарч, амжилтын оргил руу жигүүр дэвэн, нисэх биз ээ.
Эх сурвалж: mnews.mn
