3 сарын 8 олон улсын эмэгтэйчүүдийн эрхийг хамгаалах өдөр, нэг үгээр хэлбэл эмэгтэй хүн бүрийн хүсэн хүлээж байдаг баярын өдөр. Энэ өдөр жүжигчин Ганцэцэг “Хайр” жүжгээ тоглохоор Тусгаар тогтнолын ордон руу алхаж явжээ. “17 цагийн орчимд…Нэлээн ядруу хувцасласан архи үнэртүүлсэн бүсгүй залуу хоёрын хэрэлдэж байхтай яг ордоны өмнө тааралдлаа.
Хөөрхий дөө өмсөж зүүснийг нь харахад их л тарчиг…Ядуу ч гэсэн бие биенээ хайрлаад хамтдаа байгаа нь ямар ч сайхан юм бэ дээ” хэмээн бас атаархан бодож хажуугаар нь өнгөрсөн байна. Жүжигчин бүсгүй элдвийг бодон алхаж байтал гэнэт “Чи одоо юун сүртэй амьтан бэ” гэж орилох бүсгүйн дуу бодлыг минь тасалдуулж орхисон гэнэ. Мэдээж энэ явдал бол нийгэмд борооны дараах мөөг шиг олширч байгаа биеэ үнэлэлт, жуулчлалын асуудал байсан нь ойлгомжтой. Харин ийм зүйлтэй таарсан жүжигчин бүсгүй өөрийн фэйсбүүк хуудсандаа “Бие арзас гээд л явчлаа.Хүн айхдаа хүйт даан жихүүцдэг, ичихэд халуу шатан улаа бутардаг. Харин төрсөн мэдрэмжийг би яг юу гэж хэлэхээ мэдэхгүй байна л даа. Нэг тийм хөндий,хоосон ,царцмаг мэдрэмж” төрсөн гэж постолжээ.
