Баруун аймгаар аялан тоглолтоо хийж, хөдөө орон нутгийн үзэгчдэд уран бүтээлээ хүргэж явсан дуучин Л.Банзрагч, Д.Бурмаа, А.Мөнхбат нар осолд оржээ. Тодруулбал тэд Ховд аймгийн төвөөс Зэрэг сум руу фургон автомашинтай явж байгаад ийн осолджээ.
Ослын улмаас тэдэнтэй хамт явсан нэг иргэн хүнд гэмтэл авч, биеийн байдал нь тааруу байгаа гэж эх сурвалж мэдээллээ. Харин Л.Банзрагч, Д.Бурмаа, А.Мөнхбат нарын хувьд бага зэрэг гэмтэл авсан гэнэ. Ослын дараа тэд Ховд аймгаас нийслэл рүү шууд нисчээ.
Гурван дуучин Зэрэг сумын нутагт клипны зураг авалт хийгээд, тоглолтоо толилуулах төлөвлөгөөтэй явж байгаад ийнхүү осолдсон байна. Тэд энэ сарын 12-ны өдөр Ховд аймагт тоглолт хийсэн юм байна.
Эх сурвалж: times.mn
