Гудамжаар л нэг
Гунигласан, цухалдсан хүмүүс.
Гутал нь тоостой, зарим нь ханзархай
Хаа сайгүй
Халтар жаалууд, хачин дэгжин залуус.
Харцаараа халаас нэгжинэ
Ганган тансаг машинууд
Газар мундсан юм шиг
Ганцхан зам дээр гацаж түгжирнэ
Хэдэн давхар цоожтой
Хөрөнгө хогшлоо халамжилж бөөцийлөх
Хүмүүс, хүүхэд шиг “хөөрхөн”
Ганцхан биетэй байж
Олон байшинд амьдрах нь
Гайхалтай. /заримыг нь сүнсэндээ зориулж барьсан байх/
Хов жив ярихгүй бол
Хоол цай хоолой давахгүй.
Хийх ажилгүй дэндүү завтай
Шар нар, бор хоног
Шаазгай шагшрах хүртэл
Шал дэмий, залхуутай,…
Атар талх, аяга ус
Амттай.
Ааруул мэрэх бүр ч аятай
Алаг цоохорр л гэнэ, хорвоог
Ааш нь олддоггүй л гэнэ, хорвоог
Адалж зүхэх шалтгаан надад бол алгаа,
Амьдарч болмоор л санагдана.
www.URLAG.mn
