Монголын кино уран бүтээлчид, кино урлагийн 30 орчим ТББ, студи продакшны удирдлагууд нэгдэн “Монголын кино урлагийн зөвлөл”-ийг байгуулж байсан билээ. Хорь гаруй жил тархай бутархай байсан кино бүтээгчид нэгдсэнээр кино урлагийг хөгжүүлж, нэгдсэн бодлого, стратегитай болсон нь энэ юм.
Түүнчлэн кино уран бүтээлчид жил бүрийн тавдугаар сарын 1-ний өдрийг “Монголын киночдын өдөр” болгохоор шийдвэрлэсэн байна. Тэд энэ өдрийг зүгээр ч нэг сонгоогүй бөгөөд 1935 оны тавдугаар сарын 1-нд Монголын анхны кинотеатр “Ард” нээгдэж байсан түүхтэй аж. Мөн үүнээс хоёр жилийн дараа буюу 1937 оны тавдугаар сарын 1-нд “Монгол кино” үйлдвэр Майн баярын жагсаалын дүрсийг авч анхны баримтат кино хийж байсан ажээ.
Түүнчлэн энэ сарын 16-нд Монголын кино урлагийн Академийн тэргүүн дээд шагнал гардуулах "Academy Awards-2012" ёслолын ажиллагаа болно. Энэхүү кино наадамд 2013-2014 онд бүтээгдсэн уран сайхны болон баримтат, богино хэмжээний кино 18 номинацид нэр дэвшин өрсөлдөх боломжтой юм байна.
www.URLAG,mn