Төв аймгийн Батсүмбэр сумын түүхт 90 жилийн ой ирэх 07-р сард тохионо. Уг ойгоо угтаж, Батсүмбэр сумын ИТХ-ын дарга Д.Ганболдын санаачлагаар Батсүмбэр сумын шинэ дуу мэндэллээ. “Зүрхнээ сүмбэрлэх нутаг” дууны үгийг МУСТА, сэтгүүлч Ж.Жаргалсайхан бичиж, хөгжмийг МУУГЗ С.Баатарсүх зохиосон байна.
Нутгийн тухай сайхан дууг Буриадын УГЖ, МУСТА, дуучин Д.Бямбажав дуулж амьдруулжээ. Дуучин Д.Бямбажав нь УБТЗЧ-ын даргаар ажиллаж байгаа ч уран бүтээлээсээ холдоогүй, хамгийн сүүлд гэхэд түүний дуулсан “Бадмаажий” дуу нь FM-үүдээр хит болоод байгаа билээ. Ийнхүү дуучин Д.Бямбажав ээлжит шинэ дуугаа төрүүллээ.
“Зүрхнээ сүмбэрлэх нутаг” дууны үгийг Та бүхэндээ хүргэж байна.
Хүйн голоо хөвөөлсөн
Зон олноо саналаа
Хүслийн алсад хөтөлсөн
Харгуй замаараа ирлээ
Сэтгэлд минь уяатай
Суварга толгой уул минь
Бодлын учиг хөвөрдсөн
Баянголоо харлаа
Дт: Миний зүрхнээ сүмбэрлэх
Мандал Хайрхан уул минь
Алтан нутгийн шүтээндээ
Залбирч явъя даа
Хүүхэд насны инээдээ
Сумын төвөөс оллоо
Хайрын намуун шивнээгээ
Сөгнөгөрөөсөө сонслоо
Балчир насны дурсамж минь
Баянбууралд сэргэлээ
Үдлэгийн талбайг сэртэл
Уярч дуулж хонолоо
Дт: Бодлын үзүүрт уяатай
Батсүмбэр нутаг минь
Алтан нутгийн шүтээндээ
Залбирч явъя даа
Өвгөдийнхөө алтан жамыг
Өвлөн сахиж ирлээ
Ноён уул хайрхандаа
Сүслэн залбирч явнаа
Дт: Миний зүрхнээ сүмбэрлэх
Мандал Хайрхан уул минь
Алтан нутгийн шүтээндээ
Залбирч явъя даа
с
www.URLAG.mn
