“Шүүдэр” продакшны шинэ уран бүтээл болох “Улаан пальто” кино тун удахгүй үзэгчдийн хүртээл болно. Тус киног зохиолч Б.Шүүдэрцэцэгийн “Улаан пальто” өгүүллэгээс сэдэвлэн бүтээсэн аж.
Киноны найруулагчаар жүжигчин Э.Чинзориг ажиллаж байгаа бөгөөд гол дүрийг нь түүний эхнэр О.Долгор бүтээсэн гэнэ. Хүн чанар, хайр энэрэл, эх үрийн нандин холбоо, басхүү хүний сүнс төрөл арилжин эргэн төрдөг тухай сонирхолтой сэдвийг хөндсөн энэ бүтээл гэгээлэг, сайхан төгсгөлтэй, өнөөдрийн хүнд хэцүү амьдралд ухаарал, урам хайрлах кино болсон гэж кино багийнхан үзэж байгаа юм байна.
