Гавьяат жүжигчин, дуучин С.Жавхлангийн гэргий, “Шуранхай” хамтлагийн дуучин Г.Эрдэнэчимэгийг энэ өнгөрсөн жилүүдэд хоёр хүүхдийн ээж болж, имижээ огцом өөрчилсөнд найзууд нь одоо ч итгэж чаддаггүй гэнэ шүү. Г.Эрдэнэчимэг оюутан байхдаа их л сэргэлэн хөдөлгөөнтэй, нүүрээ хөөрхөн будаж, нүдэндээ хиймэл сормуус зүүчихдэг охин байсан төдийгүй хамтлагийнхаа хоёр бүсгүйтэй хааяа “сэгсийтэл” дискоддог нэгэн байжээ.
Харин С.Жавхлантай ханилсан цагаасаа хойш нүүрээ ч будахгүй, өндөр өсгийт өмсөхгүй, гоё ганган, эрээн мяраан хувцас ч өмсөхөө больж, журамтай гэргийн дүрд хувилж, үсээ хоёр сүлжиж, монгол үндэсний хувцасаар гоёдог болсонд эхэндээ мэргэжил нэгт найзууд нь мэл гайхаж, цэл хөхөрч орхисон гэнэ.
Учир нь, нийтийн дуучдын Шинэ жилээр хоёр жил дараалан үндэсний хувцасаараа гоёж ирсэн түүнийг хараад ийнхүү гайхахад хүрчээ. Тэр цагаас хойш дан монгол хувцасаа өмсч, жинхэнэ монгол бүсгүйн дүр төрхийг гаргаж, улам намба төгс болсон нь өөрт нь илүү зохидог хэмээн хүмүүс ярьдаг болжээ.
bataar.mn
