XVII жарны Сүрээр дарагч хэмээх гал морин жилийн Сар шинийн баярыг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа.
Монголын Балетын урлагийг хөгжүүлэх үйлсэд өөрийн авьяас билиг, ур чадвараа зориулж, дэлхийн сонгодог болон үндэсний олон арван балетын гол дүрийг мэргэжлийн өндөр түвшинд чадварлаг бүтээж, Монголын балетын урлагийг мэргэжлийн түвшинд хөгжүүлэн, залуу хойч үеэ сурган хүмүүжүүлж, Монголын балетын урлагт оруулсан хичээл зүтгэлийг нь өндрөөр үнэлэн УДБЭТ-ын балетын гоцлол жүжигчин, балетмейстер, Монгол Улсын Гавьяат жүжигчин Хоролдаваагийн Гэрэлчимэгт Монгол Улсын Ардын жүжигчин цол хүртээлээ.
