Монголын залуу дуучдын дундаас өвөрмөц хоолой, европ мэт царайлаг төрхөөрөө бусдаас ялгарч чаддаг дуучин бол яах аргагүй Ч.Цэлмүүн билээ. Дуучин Цэлмүүн хамгийн анхны ”Universe best songs” тэмцээнээс гранпри шагнал хүртсэнээрээ олонд танигдаж дуучин болох замналаа эхэлсэн.
Тэрбээр дуулахын сацуу эрдэм номд суралцах тал дээр маш их үлгэр дууриал үзүүлдэг хөдөлмөрч авхаалжтай нэгэн юм. Учир нь тэрээр “Эм Ай Ю” сургуулийг Биотехнологи, хүнс судлаач мэргэжлээр төгссөнийхөө дараа ЭМШУИС-д энэ мэргэжлээрээ мастерт суралцаж төгссөн байна. Уран бүтээл болон ажил амьдралаа төгс хослуулж чаддаг дуучин маань энэ удаа мэргэжлийнхээ дагуу Япон улсын “Tokyo Medical and Dental” Их сургуулийн зуны олон улсын хуралд оролцохоор судалгааны ажил хийжээ.
Тус судалгааны ажлаа Токио хот уруу явуулсан бөгөөд энэ нь маш амжилттайгаар тэнцсэн тухай баярт мэдээгээ өөрийн цахим хуудаснаа нийтэлсэн байна. Энэ мэт зүйлээс харахад архидан согтуурч элдэв сенсаци тарьдаг зарим нэг дуучид маань Цэлмүүнээс суралцаж толгойгоо цэнэглэн, гэгээрмээр юм даа.
Б.Зол
Эх сурваож: ace.mn
