Шинэ уран бүтээлээрээ үзэгчдийг байлдан дагуулдаг цөөн хамтлагийн нэг бол яах аргагүй "Гурван охин" юм. Урлагт хөл тавьсан цагаасаа хойш 15 жилийг хамтдаа үдсэн үзэсгэлэнт бүсгүйчүүд хамгийн сүүлд "Эр хүн зүрхэндээ уйлдаг" хэмээх цоо шинэ уран бүтээлээрээ сонсогч фенүүддээ бэлэг барьсан билээ.
Харин тэд саяхан "Хурдлах тусам' нэртэй цоо шинэ цомгоо худалдаанд гаргажээ. Таван уран бүтээлээс бүрдсэн “Хурдлах тусам” цомгийн продюсэрээр “В” продакшны захирал Д.Болд ажиллалаа. Хөгжмийн найруулгыг Н.Баярхүү, хөгжмийн тохируулгыг Костантин Ноников гүйцэтгэжээ. Цомогт багтсан дуунуудын шүлгийг ZZ, Соёмбо нар бичиж, бүх дууны хөгжмийг Д.Болд зохиосон бөгөөд дуунуудын бичлэгийг “New star’’,“Ргоsound" студид хийлгэсэн байна. Нүүр будалтыг Г.Отгонсүрэн, үс засалтыг П.Насанжаргал, Б.Гэрэл-Эрдэнэ нар гайхалтайгаар хийсэн. Цомгийн ивээн тэтгэгчээр “МСS” групп ажиллалаа.
Цомогт багтсан “Охин тэнгэр” дууг рэппэр Номин хамтран дуулжээ. “Удахгүй чи надаас" дууны клипийг “V" студи бүтээж, үзэгчдийн хүртээл болгоход бэлэн болоод байна. Авъяаслаг, хөдөлмөрч, үзэсгэлэнт гурван бүсгүйдээ уран бүтээлийн өндөр амжилт хүсье.
www.URLAG.mn
