“Камертон” хамтлагийн ахлагч Д.Болд 2005 онд “Хайрын хүч” цомгоо гаргаснаар соло дуучныхаа карьерыг амжилттай эхлүүлсэн билээ. Тэрээр 2006 оны есдүгээр сарын 9-ний өдөр “В Рroduction” студийг байгуулж, шинэ залуу дуучид болох Маралжингоо, “Шоо” хамтлаг, Эгшиглэн, Агиймаа, “DZ man”, ‘Турван охин" гэх мэт дуучдын цомгийн сурталчилгаа, продюсерээр ажиллаж олны танил болгож чадсан.
Шинэлэг санаа, өвөрмөц хэв маяг бүхий уран бүтээлээрээ сонсогч фенүүддээ бэлэг барьж байдаг Төрийн соёрхолт дуучин Д.Болдын 11 дэх бие даасан цомог “Хувцсаа тайчаад шид” нэртэйгээр худалдаанд гарах гэж байна. Уг цомогт долоон дуу багтсан бөгөөд цомгийн продюсерээр дуучин Д.Болд өөрөө ажиллажээ. Цомогт багсан дуунуудын шүлгийг яруу найрагч, МУГЗ Ү.Хүрэлбаатар, н.Пүрэвсүрэн, ZZ, н.Амгалан нар бичсэн байна. Бичлэгийг “Ргоsound" студид бичүүлж, хөгжмийн найруулгыг Н.Баярхүү, хөгжмийн тохируулгыг ОХУ-ын ”VIVO” рекордсын Костантин Ноников хийж гүйцэтгэжээ. Цомгийн ивээн тэтгэгчээр “Юнитель” групп ажиллалаа. Цомогт багтсан “Би дурламаар байна” дууг дуучин Хулан, “Опе night stand" дууг “Вlack & White” хамтлагийн дуучин Уянга нар хамтран дуулсан байна. Одоогийн байдлаар цомгийн “Би дурламаар байна” дууны клипийг “DOZ” энтертаймэнт, “Хувцсаа тайчаад шид” дууны клипийг “Таван хошуу” студи. “Үүрийн гэгээнээр” дууны клипийг “/”студид бүтээж үзэгчдийн хүртээл болгоод байна.
“Хувцсаа тайчаад шид” цомгийн онцлог нь Юнитель группээс шинээр нэвтрүүлсэн АR технологийг ашиглан дуучин маань өөрийн биеэр фэнүүддээ мэндчилгээ дэвшүүлж байгаагаараа өвөрмөц юм. Уг мэндчилгээг үзэхийн тулд та гар утсан дээрээ “Shop on” аппликейшнийг татан суулгаад, цомгийн соvег зургийг уншуулахад л хангалттай юм.
www.URLAG.mn
