Дуучин А.Уранхолбоог хүн бүр л танина. Тэрбээр ээж болсноо ихэд нууцалж байсан. Гэхдээ загварлаг, дайчин бүсгүй өөрийгөө олны нүднээс их нуугдаагүй хэмээн цайруулдаг. Би 10 сард сургууль амарсны дараа би Монголдоо ирээд “Cosmopolitan” сэтгүүлийн ковер дээр зураг авахуулсан. Тэр үед сар гарантай болчихсон, бараг 2 сар дөхөж байсан юм. Үүний дараа 12 сард хамтарч ажилладаг бүх байгууллагынхаа шинэ жилд оролцох гээд дахиад ирсэн. Тэр үед намхан өсгийтэй гутал өмсөөд л, гял цал хувцастайгаа явж байсан. Тэгэхэд охин маань гурван сартай болж анзаарсан хүнд бол “Ану жаахан нэмчихээ юу даа” гэмээр байсан боловч хэн ч анзаараагүй. Он гаргаад цагаан сараар монголдоо ирэхэд хүмүүс бас мэдээгүй. Гуравдугаар сард би Лос-Анжелос, Лас Вегас зэрэг хотуудаар явж “Jeunesse Global” компанийн олон улсын шууд худалдааны бизнесийн Монгол дахь салбарыг албан ёсоор оруулж ирэх ажлаар уулзалтанд ороод, сургалтанд хамрагдаж, бас тэндэхийн гала концертод давхар оролцон гурав дөрвөн ажлыг амжуулаад ирсэн. Тэр үед би долоон сартай болсон хэдий ч хүмүүс бас л мэдээгүй өнгөрсөн. Би Монголдоо сар болгон ирж өөрийгөө болоод хэвлий дэх хүүхдээ үзүүлж харуулаад явдаг байсан гэхээр нуугаагүй байгаа биз дээ" хэмээсэн.
Түүний нуусан гэгддэг хөөрхөн охиныг Бүжин гэдэг. Үргэлж л ээжийгээ нүд салгалгүй ширтдэг гэнэ.
Д.Ана
