“Моханик” хамтлагийн залуус өчигдөр “Моханик Амарбаясгалантад” нэртэй шинэ цомгийн нээлтээ “Glamour Art Gallery”-д хийлээ. Тэдний хоёр дахь бие даасан цомог нь 11 дуунаас бүрджээ. Харин дууны үг, аяыг хамтлагийн залуус өөрсдөө зохиосон гэсэн шүү. Мөн “Амарбаясгалант хийд” төслийг хамтран зохион байгуулагчаар “Anima Mundi Entertainment” ажиллажээ. “Моханик” хамтлагийн залуус шинэ цомгийн нээлтийн хүрээнд “Моханикт хүрэх аялал” өөрсдийн фото зургийн үзэсгэлэнг энэ өдрүүдэд гаргаж, тоглолтоо хүргэхээр болжээ. Харин тэд үргэлжлүүлэн ирэх сард өөрсдийн цомгийн гурав дахь клип болох “Зэрэглээ” дуугаа дүрсжүүлэн цацах бол есдүгээр сард бүрэн хэмжээний тоглолтоо зохион байгуулахаар төлөвлөжээ.
С.НАРАН
 |
 |
