Ховд аймгийн музейд 18 дугаар зууны үед хэрэглэж байсан, 13 үе дамжсан товшуур хөгжим хадгалж байна. Энэ хөгжмийг Ховд аймгийн Дуут сумын харьяат, урианхайн алдарт туульч З.Рэнцэн хэрэглэж байжээ.
Товшуур хөгжмийг харгай модоор хийж, ямааны илгээр бүрэн, морины сүүлний 4-5 ширхэг хялгасыг эрчлэн утсыг нь хийдэг байна.
Товшуур хөгжимд ямар ч хөг аялгууг оруулж болно. Алтайн урианхай, баяд торгууд, захчин, дөрвөд угсаатан ихэвчлэн товшуур хөгжим хэрэглэдэг.
