Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
Урлаг.мн»Үндэсний хөгжим»Д.Сосорбарам: Наадмын нээлтийн үйл ажиллагааг “Босоо заяатай Монгол” агуулгаар найруулна
Үндэсний хөгжим

Д.Сосорбарам: Наадмын нээлтийн үйл ажиллагааг “Босоо заяатай Монгол” агуулгаар найруулна

Урлаг Урлаг26/06/2014Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
111111-300x218_500x5006312914542014-06-26-09-40[www.urlag.mn].jpg
Share
Facebook Twitter LinkedIn Pinterest Имэйл
  Их Монгол Улс байгуулагдсаны 808 жилийн ой, Ардын хувьсгалын 93 жилийн ой, Үндэсний их баяр наадмын нээлт, хаалтын ёслолын үйл ажиллагаа, Төрийн хүндэтгэлийн концерт Ерөнхий найруулагчаар Төрийн соёрхолт, Монгол Улсын гавъяат жүжигчин Догмидын Сосорбарам ажиллаж байна. Энэ жилийн наадмын урлагийн тоглолт хэрхэн болох талаар Ерөнхий найруулагч Д.Сосорбарам тодруулга өглөө.
-Энэ жилийн Үндэсний их баяр наадмын нээлт, хаалтын үйл ажиллагааны урлагийн тоглолт ямар онцлогтой болох вэ?

-Их Монгол Улс байгуулагдсаны 808 жилийн ой, Ардын хувьсгалын 93 жилийн ой, Үндэсний их баяр наадмын нээлт, хаалтын ёслолын үйл ажиллагаа, Соёлын төв өргөөнд болох Төрийн хүндэтгэлийн тоглолтын бэлтгэл ажил ид үргэлжилж байна. Өнгөрсөн жилийн баяр наадмын тоглолтыг найруулан, зохион байгуулсан баг энэ жил ч ажиллаж байгаа. Төв цэнгэлдэх хүрээлэнгийн нээлт, хаалтын ажиллагаанд 5000 орчим уран бүтээлч оролцох бол Соёлын төв өргөөнд болох Төрийн хүндэтгэлийн концертод 1000 гаруй уран бүтээлч оролцох юм. Манай багийн бүрэлдэхүүнд бүжиг дэглээч Д.Баярбаатар, Д.Энхгэрэл, н.Ариунболд зэрэг монголын үндэсний урлагийн шилдгүүд багтсан байгаа. Энэ жилийн наадмын урлагийн тоглолтыг бүхэлд нь “Босоо заяатай Монгол” агуулгаар найруулна. Нүүдэлчин ард түмний түүх, философи, гайхамшгийг бид харуулах болно. Жишээ нь 21 эмэгтэй уртын дуучин, 21 эрэгтэй хөөмийч, 33 бий биелээч өмнө нь тавигдаж байгаа шинэ цоморлиг үзүүлбэр үзүүлнэ. Үндэсний бахархал, үлгэр дууриалыг харуулах 60 хүний бүрэлдэхүүнтэй үлээвэр хөгжмийн баг тоглоно гээд олон онцлог, шинэлэг үзүүлбэрийг бид бэлтгэж байна. Мөн энэ удаад шинэ залуу уран бүтээлчдийг дэмжиж, залуу хөгжмийн зохиолчдын уран бүтээлийг дэлхийн сонгодог бүтээлүүдтэй хамт эгшиглүүлнэ.

-Үндэсний их баяр наадмын урлагийн тоглолт, Соёлын төв өргөөнд болох Төрийн хүндэтгэлийн концертод хэдэн төгрөг зарцуулж байгаа вэ?

-Энэ жил хаа хаанаа төсөв хүндрэлтэй, эдийн засгийн хямралтай байгаа тул бидэнд хангалттай төсөв шийдэж өгөөгүй. Баяр наадмын нээлт, хаалтын ажиллагаа, Төрийн хүндэтгэлийн тоглолт гээд 3 үйл ажиллагаанд 300 сая төгрөг төсөвлөсөн. Төв цэнгэлдэхийн тоглолтод 250 сая, Соёлын төв өргөөний концертод 50 сая төгрөг зарцуулахаар тооцоо гаргасан. Үндсэндээ 6000 гаруй уран бүтээлчдэд төсөвлөсөн хөрөнгийг хүргэхээр ажиллаж байна. Энэ жилийн Үндэсний их баяр наадмын нээлт, хаалтын ажиллагаа өвөрмөц, онцлогтой, сайхан болно гэдгийг амлаж чадах байна.

Эх сурвалж http://www.info.mn

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Үндэсний хөгжим Урлаг

Арилжааны кино хийхдээ банкнаас зээл авч, орлогоосоо төлнө

19/08/2021
Үндэсний хөгжим Урлаг

Э.Цэнд-Аюуш: Соёлын салбарын залуучууд яамныхаа бодлого, үйл ажиллагаанд саналаа хүргүүлэх боломж бүрдлээ

22/06/2021
Үндэсний хөгжим Урлаг

Д.Бямбажав: Утга зохиолын шүүмж судлал хоцрогдсон учраас чанаргүй уран бүтээл олон болсон

04/06/2021

Сэтгэгдэл хаалттай

Сүүлд нэмэгдсэн

Дэлхийн номын нийслэлд Улаанбаатарыг нэр дэвшүүлэхийг ЮНЕСКО-ийн Монголын үндэсний комисс дэмжжээ

17/05/2025

Таван орны 25 шилдэг артист оролцох “Улаанбаатар Сонос” олон улсын хөгжмийн наадам болно

17/05/2025

“Гэгээн Муза-18” олон улсын театрын наадмын II шатны шалгаруулалт “1984” жүжгээр эхэллээ

17/05/2025

“Балетын гала” тоглолт тавдугаар сарын 24-нд УДБЭТ-ын тайзнаа болно

16/05/2025

“Тэнгисийн эрэг дээрх 24/7” шоуны оролцогч Michi “Уулзвар“ олон ангит кинонд тогложээ

16/05/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.