2024 онд үзэгчдийн хүртээл болсон “Миний нөхөртэй гэрлээч” кинонд тоглохдоо тэрбээр 37 кг хүртэл жин хассан нь багагүй маргаан дагуулж байсан. Тэрбээр энэ удаад ч мөн жингээ хасаж, “Siren’s Kiss” кинонд дүр бүтээсэн байна.
Даатгалын залилангийн хэрэгт сэжиглэгдэж буй бүсгүйн дүрийг уг кинонд бүтээсэн тэрбээр “Түүний эргэн тойронд маш олон эмгэнэлт явдал болсон учраас тэр хоол иддэггүй, зөвхөн ус болон архи л уудаг” хэмээн саяхан болсон кино промоушны үеэр ярьжээ. Тиймээс Пак Мин Ён дахин 37 кг хүртэл жин хассан байна.
Дүрийнхээ харанхуй талыг илүү тодруулахын тулд тэрбээр зураг авалтын үеэр өдөрт 3 литр ус ууж, мацаг барьдаг байжээ. Зураг авалт дуусмагц хэвийн жиндээ эргэн орсон тэрбээр жүжигчин хүний хувьд энэ нь байх ёстой зүйлсийн нэг хэмээжээ.
