Монгол улсын төрийн соёрхолт, Дуучин Д.Болд "Япон улсын хувцасны дизайнер Chizuko Yahagi гэдэг хүн надад бэлэг явуулжээ. Энэ хүн японд өөрийн улсын үндэсний хувцас болох кимоно хийдэг материалаар орчин үеийн хувцас хийж дэлхийн зах зээл дээр гаргаж улсынхаа үндэсний брэндээ сурталчилахын төлөө явж байгаа хүн юм байна.
Миний хийж бүтээх гэж зорьж байгаа үндэсний урлагаа орчин үеийн хөгжимтэй хослуулсан Монгол Поп урсгалыг дэмжиж байгаагаа илэрхийлээд миний ажилд амжилт хүсэж кимоно хийдэг материалаар хийсэн энэхүү хувцасыг өгчээ.
Алс холын япон улсын нэгэн миний зорьж байгаа ажлыг ойлгон сэтгэлээсээ дэмжиж байгаад миний сэтгэл их хөдөллөө. Түүний ажилд томоос том амжилт хүсье. Монгол Поп хэзээ нэг цагт дэлхийд цуурайтах болтугай!!!!!" хэмээн өөрийн цахим хуудаснаа нийтэлжээ.
Монголын уран бүтээлчдийг гадныхан сүүлийн үед ихэд сайшаах болсон билээ. Ямартай ч дэлхийн тавцанаа монголын поп урлагаа цуурайтуулахын төлөө уйгагүй хөдөлмөрлөдөг дуучин Д.Болдод уншигчдынхаа өмнөөс цаашдын уран бүтээлд нь амжилт хүсье!
Д.Ана
