“Blackpink” хамтлагийн гишүүн Женнигийн агентлаг уран бүтээлчийг онилсон хорлонтой нийтлэлүүдийн эсрэг хатуу хууль эрх зүйн арга хэмжээ авахыг анхаарууллаа.
Женнигийн агентлаг болох “OA Entertainment” албан ёсны мэдэгдэл гаргаж, Женнигийн нэр хүнд, эрх ашиг, зургийн эрх болон бусад оюуны өмчийн эрхийг зөрчиж буй үйлдлүүдийн эсрэг хууль эрх зүйн янз бүрийн арга хэмжээг одоогоор судалж байгаа бөгөөд хатуу арга хэмжээ авахаар төлөвлөж байгаагаа мэдэгдэв.
Мөн агентлагийн зүгээс уран бүтээлчийн талаар худал мэдээлэл, нэр төрд халдсан агуулга, хорлонтой гүтгэлэг, үндэслэлгүй таамаглал тасралтгүй тархаж байгаатай холбоотойгоор онлайн форумууд болон сошиал медиа платформуудыг анхааралтай ажиглаж байгаагаа анхаарууллаа.
