Өнгөрсөн оны хоёрдугаар сарын 16-ны өдөр жүжигчин Ким Сэ Рон өөрийн гэртээ амиа егүүтгэн нас барсан билээ. Түүний нас барахаасаа өмнө тоглосон “Before We Knew” кино нээлтээ хийх үед талийгаачийн гэр бүлээс хүн ирээгүй бөгөөд түүний гэр бүлийн нэг гишүүн жүжигчин Ким Сү Хёнтой хийж буй хууль эрх зүйн маргаанаас үүдэн өөрийн амиа егүүтгэхийг завдсан тул ийнхүү нээлтийн ёслолд очиж чадаагүй тухай дурдсан байна.
Тухайн гэр бүлийн ойрын эх сурвалжийн мэдээлснээр “Түүний гэр бүлийн цорын ганц хүсэл бол Ким Сү Хён бүх баримтыг хүлээн зөвшөөрч, талийгаачаас чин сэтгэлээсээ уучлалт хүсэх явдал. Ким Сү Хён болон түүний хуулийн багийнхан хуурамч нотлох баримт үйлдэн худал мэдээлэл тарааж, энэ нь талийгаачийн гэр бүлийнхэнд тэвчихийн аргагүй өвдөлт учруулсан. Хоёр жилийн өмнө тэднийг харилцаатай байсан тухай үнэнийг тэд үгүйсгэсэн. Хохирол барагдуулах явцад Ким Сү Хёны агенилагаас авсан арга хэмжээ нь тухайн гэр бүлийг улам бүр хохироосон.
Тухайн гэр бүлийн гишүүн анх удаа амиа егүүтгэх оролдлого хийж байгаа юм биш. Түүний гэр бүлийн эсрэг гүтгэлэг, доромжлол зэргийг нэн даруй зогсоох хэрэгтэй” гэжээ.
Талийгаачийн гэр бүлийнхэн Ким Сү Хён болон Ким Сэ Рон нарыг 2016 оноос буюу Ким Сэ Роныг 15 настай байхаас эхлэн таван жилийн хугацаанд харилцаатай байсан хэмээн мэдээлээд буй. Тиймээс Ким Сү Хён энэхүү үйлдэлдээ олон нийтийн өмнө чин сэтгэлээсээ уучлалт хүсэх ёстой хэмээн үзэж байгаа аж.
Энэ тухайд Ким Сү Хёны агентлаг тэднийг зөвхөн 2019 оны зунаас эхлэн 2020 оны намар хүртэл буюу Ким Сэ Роныг насанд хүрсний дараа уулзаж эхэлсэн хэмээн мэдэгдсэн байна.
