Литва улсын Клайпеда, Каунас хотуудад арвэннэгдүгээр сарын 20-21-нд болох ёстой байсан “Модерн Токинг” хамтлагийн дуучин Дитер Болены концертуудыг цуцалжээ.
Концертууд болно гэдгийг өнгөрсөн долоо хоногийн эхээр зарласан боловч баасан гараг /2026.03.20/-т тасалбар худалдаалдаг цахим хуудаснуудаас концертын талаарх мэдээллүүд алга болсон байв. “Бид зохион байгуулагчидтай зөвшилцсөний эцэст концертыг манай тайзан дээр явуулахгүйгээр шийдвэрлэсэн” гэж Каунас хотын “Жальгирис-Арена”-гийн үйл ажиллагаа зохион байгуулах хэлтсийн дарга Мантас Ведриккас мэдэгдсэнийг Литвийн телевиз радиогийн LRT компани дамжууллаа.
Концерт цуцлагдсан шалтгааныг зохион байгуулагчид албан ёсоор хэлээгүй боловч LRT- ийн үзэж байгаагаар, Герман-Оросын харилцаа хүйтэрснийг Д.Болен шүүмжилж, Оросоос эрчим хүчний эх үүсвэрүүд худалдан авахыг уриалсантай холбоотой байж магадгүй юм. Мөн гурван жилийн өмнө тэрбээр Оросын эсрэг авсан Барууны орнуудын хориг арга хэмжээг шүүмжилсэн бол саяхан мэдэгдэхдээ, Оросыг ялах боломж Украинд байхгүй гэсэн байна.
Д.Болен Украины эсрэг Оросын явуулж буй дайныг шүүмжлэхийн зэрэгцээ Киевт зэвсэг нийлүүлж буйг эсэргүүцдэг ажээ. Түүний хэлсэн үгсийг Германы улстөрчид хатуу шүүмжилдэг бол барууны популист “Германы төлөөх өөр сонголт” намынхан дэмждэг байна.
