Цуглуулагч судлаач Цэндийн Батсайхан нь 30 гаруй жил Монгол орны түүх соёлыг сонирхон түүх угсаатны зүйн холбогдолтой эд зүйл цуглуулах, судлах, судалгааны үр дүнгээрээ ном хэвлэн нийтлэх ,цуглуулсан үзмэрүүдээ төрөлжүүлэн үзэсгэлэн бэлтгэж олон нийтэд дэлгэн үзүүлэх , улс орон нутгийн болон хувийн музейнүүдэд үзмэр өгч ажиллаж ирсэн байна.
Энэ удаагийн “Монголын шашин соёлын өв дурсгал” үзэсгэлэнд Монголын шашин соёлын холбогдолтой шүтээний уран зураг, шашин номын зан үйлд зориулсан монгол зураг, модон барын хэвлэмэл зураг, бурхны уран баримал зэрэг 700 гаруй ховор сонин үзмэрүүд дэлгэгдэх болно.
