Монголын хүүхдийн урлан бүтээх төвийн багш нарын “Урлаг ба урлахуй – 2026” уран бүтээлийн үзэсгэлэн өнөөдөр /2026.04.09/ нээлээ.
Тус үзэсгэлэн нь уран бүтээлч багш нарын бүтээлч сэтгэлгээг дэмжих, тэдний мэргэжлийн ур чадварыг олон нийтэд сурталчлан таниулах, харилцан туршлага солилцох нээлттэй талбар болох зорилготой.
Энэ удаагийн үзэсгэлэн “Монголын түүх” сэдвийн хүрээнд зохион байгуулагдаж байгаа бөгөөд түүх, соёл, уламжлал, үнэт зүйлсийг дүрслэх урлагаар илэрхийлсэн 24 багшийн 45 бүтээлийг олон нийтэд дэлгэн үзүүлж буй.
“Урлаг ба урлахуй – 2026” үзэсгэлэн 14 хоног үргэлжлэх бөгөөд сонирхсон бүтээлээ худалдан авах боломжтой юм.
