Уран бүтээлч Б.Отгонжаргал “Хөх тал” модон баримлын бие даасан анхны үзэсгэлэнгээ Монголын уран зургийн галерейд дэлгэж байна.
Б.Отгонжаргал нь уран баримал, сийлбэрийн урлагийн “Дөрвөлжин Дугуй” арт нэгдлийн гишүүн бөгөөд сүүлийн жилүүдэд идэвхтэй уран бүтээлээ туурвиж бүтээлүүддээ үндэсний өв соёл, орчин үеийн дүрслэлийн арга барилыг хослуулан өвөрмөц хэлбэр, найруулгаар ажилладаг. Түүний анхны бие даасан үзэсгэлэн болох “Хөх тал” үзэсгэлэн нь бодит газар нутгийн тухай сэдвээс гадна, хүний дотор орших уудам орон зай, дурсамж ба мартагнал, хоосрол ба боломж зэрэгцэн орших сэтгэлийн тал нутгийн тухай хэмээн уран бүтээлч өөрөө тодорхойлж нийт 20 орчим бүтээлээ дэлгэн толилуулж байна.
Үзэсгэлэн 2026 оны дөрөвдүгээр сарын 19-ний өдрийг дуустал үргэлжилнэ.
