Бүтээгч, бий болгогч, төлөвлөгч байхаас гадна уран бүтээлч хүний хувьд бүтээлийг бүрдүүлэг материалын тохиол өөрөө уран бүтээлчтэй зэрэгцэн жолоог атгах хүчин зүйл, хамтран бүтээгч гэдгийг анхны бие даасан үзэсгэлэнгээ 2006 онд толилулахдаа мэдэрч ажиллаж байжээ. Хорин жилийн дараа ч Д.Дорждэрэм ямарваа тохиолыг соргогоор мэдэрч, тохиол ямар өгөгдөл толилуулж байгааг ажиглаж, түүнтэй хамт туршсаар байгааг “Харьцангуйн тохиол” үзэсгэлэнгээс харж болно. Эргээгээд энэ бүх өгөгдөлөөс шалтгаалан тохиол гэдгийг үзэгч юу гэж харах, ойлгох нь мөн харьцангуй юм.
Уран бүтээлчийн материал, цаг хугацаа, тохиолтой харилцах энэхүү мэдрэмжийг “Харьцангуйн тохиол” үзэсгэлэнгээс мэдрэх боломжтой. Үзэсгэлэнгийн куратороор залуу урлаг судлаач А.Дуламжав ажиллаж байна.
“Харьцангуйн тохиол” үзэсгэлэн тавдугаар сарын 3-ныг хүртэл “Б” контемпорари арт галерейд үргэлжилнэ.
