Английн жүжигчин, Холливудын танхай эр Том Харди жүжигчний замналаа хэсэг зогсоож, завсарлага авахаар болжээ.
“Daily Mail”-д бичсэнээр Том Харди найруулагч Гай Ричигийн “MobLand” цувралын хоёрдугаар бүлэгт тоглоод “амралт”-аа авах гэнэ. 48 настай Том Харди биеийн хүч чадал шаардсан дүрд тоглосоор маш их ядарсан тул эрүүл мэндийн шаардлагаар ийнхүү дэлгэцээ хэсэг зуур орхиж байгаа юм.
Тэрбээр “Би өвдгөндөө хоёр удаа мэс засал хийлгэсэн. Нурууны дискний ивэрхий болон радикулиттай. Эрүүл газар бараг алга. Бүрэн эдгэрнэ гэж байхгүй” хэмээж байв. Мөн тэрбээр ишиас (мэдрэлийн үрэвсэл), улны шөрмөсний үрэвслээр шаналдаг. Улны шөрмөсний үрэвсэл нь өсгийтэй ойрхон хөлийн ёроолд хатгах өвдөлт үүсгэдэг, жирийн алхахад ч хэцүү байдаг. Харин ишиас нь нурууны доод хэсгээс хөл рүү дамжих хамгийн том мэдрэл дарагдсанаас үүсэх хүчтэй өвдөлт юм. Бэлхүүс, өгзөг, хөл рүү дамжсан хурц, шатаж буй мэт өвдөлт, хөл бадайрах, сулрах шинж тэмдэгтэй.
