“CIX” хамтлаг долоон жилийн дараа хамтлагийн үйл ажиллагаагаа дуусгахаар болжээ. Тодруулбал_ дөрөвдүгээр сарын 29-нд “C9” энтертайнмент тус мэдээг “CIX”-ийн албан ёсны фэн кафегаар дамжуулан зарласан байна. Агентлаг мэдэгдэлдээ “CIX цаашид хамтлагийн үйл ажиллагаагаа зогсооно” гэжээ.
Мөн “C9” энтертайнментийн зүгээс сүүлийн хэдэн сарын турш гишүүдтэй нухацтай ярилцсан бөгөөд бүх тал “Багийн үйл ажиллагааг түр зогсоохоос өөр аргагүй” гэсэн дүгнэлтэд хүрсэн гэж тайлбарласан байна.
Хамтлагийн гишүүн BX болон Seunghun нарын гэрээ маргааш дуусах бол Hyunsuk-ийн гэрээ тавдугаар сарын 31-нд дуусах ажээ. Харин Yonghee цэргийн албанд эрт элсэх хүсэлт гаргасан бөгөөд тэрбээр тавдугаар сарын 11-нд заавал хаах цэргийн албаа эхлүүлэхээр болсон байна. Хамтлагийн хуучин гишүүн Bae Jinyoung өнгөрсөн оны наймдугаар сард CIX-ээс гарсан билээ.
