Өмнөд Солонгосын к-поп агентлаг “YG” энтертайнмент зургаан жилийн дараах анхны шинэ хөвгүүдийн хамтлагаа энэ оны есдүгээр сард танилцуулахаар болсноо мэдэгдлээ.
Тус компанийн үүсгэн байгуулагч, гүйцэтгэх продюсер Ян Хюн Сук албан ёсны блогтоо байршуулсан бичлэгтээ “Шинэ хамтлагаа есдүгээр сард танилцуулахаар төлөвлөж байна. Олон хүний сонирхож буй асуултад хариулахад гишүүдийн тоо тав байна” гэж хэлсэн ч хамтлагийн нэр болон бусад дэлгэрэнгүй мэдээллийг зарлаагүй байна.
“YG” энтертайнмент хамгийн сүүлд 2020 оны наймдугаар сард “Treasure” хамтлагийг танилцуулж байсан юм.
Мөн Ян Хюн Сук шинэ уран бүтээлчид болон IP төслүүдийн талаар мэдээллийг үе шаттайгаар ил болгоно гэж мэдэгдэж, “Next Monster” нэртэй байж магадгүй шинэ охидын хамтлагийн талаар ч дурдсан байна.
Түүнчлэн энэ онд “BabeMonster” болон “Treasure” хамтлагууд шинэ цомог гаргах, мөн “BigBang” 20 жилийн ойгоо тохиолдуулан дэлхийн аялан тоглолт хийхээр төлөвлөжээ.
