Сүүлийн жилүүдэд хиймэл оюун ухаан хурдацтай хөгжихийн хэрээр хүний дуу хоолой, дүр төрхийг хүссэнээрээ ашиглах тохиолдол бишгүй гарах болсон. Тэр бүү хэл олны танил хүмүүсийн царай төрхийг ашиглан зар сурталчилгаа, сонгууль гэх мэтчилэн зүйлсэд ашиглаж, хийгээгүй зүйлийг нь хийсэн болгож төөрөгдөл үүсгэх тохиолдлууд гарсаар байгаа юм.
Тэгвэл дэлхийн алдарт дуучин Тейлор Свифт өөрийн дуу хоолой, дүр төрхийг deepfake-ээс хуулиар хамгаалж патентжуулах хүсэлтээ АНУ-ын Патент болон Худалдааны тэмдгийн газарт өгч албан ёсны бүртгэл хийлгэлээ. Өмнө нь дуучид өөрсдийнхөө бүтээлийг зөвхөн зохиогчийн эрхээр хамгаалдаг байсан бол одоо тэдний дуу хоолойг ашиглаж дуу бичлэг хийх тохиолдол гарах хуулийн цоорхой үүссэн гэж үзэж байгаа юм.
Гэвч өмнө нь Тейлор Свифт шиг энэ асуудлаар trademark бүртгэл хийлгэх нь шүүхэд туршигдаж байгаагүй тохиолдол тул цаашид хэр үр дүнтэй байх нь тодорхойгүй байгаа юм. Өмнө жүжигчин Мэттью МаскКонахи ч төстэй арга хэмжээ авсан бөгөөд “AI-н ертөнцөд зөвшөөрөл, эзэмшлийн тухай ойлголтыг тодорхой болгох шаардлагатай” гэж үзэж байсан билээ.
Товчхондоо технологи хурдтай хөгжихийн хэрээр алдартнууд өөрсдийгөө хамгаалах шинэ хууль эрх зүйн орчныг хайж эхэлж байна.
