НҮБ-ын Хүүхдийн сангийн дэмжигч “Morningstar” хамтлаг Чингэлтэй дүүргийн 22 дугаар хорооны Хүүхэд хөгжлийн төвд хөгжмийн зэмсгүүд бэлэглэж, хүүхдүүдэд хөгжим тоглож сурах боломжийг бүрдүүллээ.
Энэхүү өрөө нь зөвхөн хүүхдүүдийн хөгжих орчин төдийгүй гэр бүлийн амьдралд бодит дэмжлэг үзүүлж байна. “Morningstar” хамтлагийн хувьд дуу хөгжимд дуртай, өөрийгөө хөгжмөөр илэрхийлэх хүсэлтэй хүүхэд, залуус улам олон байгаасай гэсэн хүсэлдээ хөтлөгдөн энэхүү санаачилгыг НҮБ-ын Хүүхдийн сантай хамтран хэрэгжүүлжээ.
