“Оскар”, “Алтан бөмбөрцөг”, “Грэмми” шагналыг 16 удаа хүртсэн, Их Британийн хүндэтгэлийн шагналт, алдарт дуучин Адель өнөөдөр /2026.05.05/ 38 нас хүрч байна.
Адель 1988 онд Лондоны хойд хэсэгт буюу Тоттенхемд төрсөн юм. Хоёр настай байхад нь аав нь гэрээсээ явснаар ээж нь түүнийг ганцаараа өсгөжээ.
Дөрвөн настайгаасаа дуулж эхэлсэн Аделийн 16 настайдаа бичсэн “Hometown Glory” дуу нь “Skins” цувралын саундтрек болж, Их Британийн чартад багтаж байв. Улмаар анхны цомог “19” нь Их Британид шууд хит болсон. Харин хоёр дахь цомог “21” нь түүнийг дэлхийн хэмжээний од болгосон юм.
Тэрбээр үргэлжлүүлэн өнөөдрийг хүртэл “25”, “30” гэсэн цомгуудыг гаргаад буй бөгөөд “American Music Awards”, “BBC Music Awards”, “Billboard Music Awards”, “BBC Radio 1 Teen Awards”, “Academy Awards”, “Independent Music Awards”, Австралийн “APRA Award”s, “The Arqiva Commercial Radio Awards” зэрэг шагнал гардуулах ёслолуудаас 263 номинацид нэр дэвшиж 121 номинацид ялалт байгуулжээ.
