“Super concert 2026”-д Өмнөд Солонгосын алдарт уран бүтээлч BLOO оролцохоор болсныг уг тоглолтыг зохион байгуулагч “Эвандис” энтертайнментаас зарлалаа.
Мөн энэхүү тоглолтод к-попын хамгийн алдартай соло уран бүтээлчдийн нэг, реппер Jay Park, LNGSHOT хамтлаг оролцох нь баталгаажаад буй. Бусад уран бүтээлчийн нэр одоогоор нууц хэвээр байгаа юм.
Тоглолтын тасалбарыг таван шатлалтайгаар борлуулж буй бөгөөд 165 мянга, 185 мянгаар худалдаалагдсан тасалбарууд дуусаад байна. Одоогоор III шат буюу 195 мянган төгрөгийн тасалбарууд хязгаартайгаар худалдаалагдаж эхэлсэн тул энд дарж авах боломжтой.
“Super concert 2026” зургаадугаар сарын 20-нд Төв цэнгэлдэх хүрээлэнд болно.
