“Blackpink” хамтлагийн Лиза ирэх сард болох 2026 оны Хойд, Төв Америк болон Карибын бүсийн хөлбөмбөгийн ДАШТ-ий нээлтийн ёслолд оролцох төлөвтэй байна. “The New York Times”-ийн харьяа спортын хэвлэл “The Athletic”-ийн мэдээлснээр, Лиза Олон улсын хөлбөмбөгийн холбоо буюу FIFA-тай тоглолтын гэрээ байгуулжээ.
2026 оны ДАШТ Канад, АНУ, Мексик гэсэн гурван улсад зохион байгуулагдах тул нээлтийн ёслолыг гурван хэсэгтэйгээр хийхээр төлөвлөсөн байна. Лиза АНУ-ын Лос-Анжелес хотын “SoFi Stadium”-д болох нээлтийн хэсэгт оролцох бөгөөд АНУ, Парагвайн шигшээ багийн тоглолтын өмнө тайзнаа гарах төлөвтэй аж. Тэрбээр Katy Perry, Future, DJ Snake зэрэг уран бүтээлчидтэй нэг тайзан дээр тоглох аж.
