Монгол Улсын Урлагийн гавьяат зүтгэлтэн, хөгжмийн зохиолч, удирдаач Товуугийн Насанбуян агсны мэндэлсний 85 жилийн ойд зориулсан “Тэнгэрт дүүлсэн орь залуу нас минь” үзэсгэлэн Монголын театрын музейд нээлтээ хийж, үзэгчдийн хүртээл болж байна.
“Нисгэгчийн дуу”, “Орь залуу нас”, “Мичид шүргэх Алтай”, “Улаанбаатарын агаар”, “Хүмүүсээ хүүхэд байх сайхан” зэрэг үе үеийнхний сэтгэлд хоногшсон олон арван дууны эзэн Т.Насанбуян нь Монголын хөгжмийн урлагт 60 гаруй жил хүчин зүтгэж, 500 гаруй бүтээл туурвисан нэрт уран бүтээлч юм.
Түүний уран бүтээл, амьдралын замнал, хөгжмийн өвийг харуулсан энэхүү үзэсгэлэнд нотны гар бичмэл, гэрэл зураг, дурсгалт үзмэрүүдээс дэлгэжээ.
