Монголын урчуудын эвлэлийн дэргэдэх Залуу уран бүтээлчдийн нэгдлээс 35 хүртэлх насны уран бүтээлчдийн дунд жил бүр уламжлал болгон зохион байгуулдаг “Алтан бийр-17” дүрслэх урлагийн үзэсгэлэн 2026 оны тавдугаар сарын 23–30-ны өдрүүдэд Монголын урчуудын эвлэлийн галерейд зохион байгуулагдаж байна.
Гурван жилийн хугацаанд түр завсарлаад байсан тус үзэсгэлэн энэ жил дахин зохион байгуулагдаж буйгаараа онцлог бөгөөд үзэсгэлэнгийн хүрээнд лекц, хэлэлцүүлэг, арт эвентүүд, уламжлалт таталбарын уралдаан зэрэг олон нийт, тэр дундаа залуусыг соён гэгээрүүлэх үйл ажиллагааг зохион байгуулахаар төлөвлөн ажиллаж байна. Мөн энэ жил тус үзэсгэлэнд 160 гаруй бүтээл ирүүлсэн нь залуу уран бүтээлчдийн идэвх оролцоо, уран бүтээлээ олон нийтэд хүргэх хүсэл эрмэлзэл өндөр байгааг илтгэж байна.
