Сүүлийн үед цахим ертөнцөөр дуучин Б.Буянжаргалыг, Төрийн соёрхолт Д.Болдын “Чамдаа би хайргүй байхын аргагүй” дууг хулгайлж, нийтийн дууны өнгө аястай болгож дуулсан гэх яриа гараад байгаа билээ. Тэгвэл энэ ярианы 50 хувь нь үнэний ортой 50 хув нь худлаа гэнэ. Тодруулбал Төрийн соёрхолт, Ардын уран зохиолч Б.Лхагвасүрэнгийн “Чамдаа би хайргүй байхын аргагүй” хэмээх шүлгэнд Төрийн хошой шагналт хөгжмийн зохиолч, Ардын жүжигчин Н.Жанцанноров, Төрийн соёрхолт дуучин Д.Болд, хөгжмийн зохиолч О.Эрдэнээ нар аялгуу хийсэн байдаг.
Гурван хөгжмийн зохиолчоор амилсан тус уран бүтээлийг гурван өөр дуучин амьдруулсан байдаг нь ийнхүү олныг төөрөгдүүлжээ. Ийнхүү хамгийн сүүлд буюу өнгөрсөн хавар дуучин Б.Буянжаргал хөгжмийн зохиолч О.Эрдэнээгийн 22 жилийн өмнө зохиосон аялгуут хувилбараар нь дуулж, дүрсжүүлсэн нь олон нийтэд хүрэхтэй зэрэгцэн ийм яриа гарсан байна. Ингээд та бүхэндээ хоёр дуучны клипүүдийг хүргье.
С.Цэлмэг
